Өрүттэр кэпсэтиилэрин кэмигэр хас да бырайыак көрдөрүлүннэ. Баһылык комплекс ис хоһоонугар хас да сорудах биэрдэ уонна саҥа тутуллар эбийиэк Михаил Николаев олоҕун чаҕылхай түгэннэрин кэпсиир буолуохтааҕын бэлиэтээтэ. Кини эппитинэн, оһуобай болҕомто бастакы президент өрөспүүбүлүкэ сайдыытыгар киллэрбит кылаатыгар ууруллуохтааҕа этилиннэ.
Мемориал оҥоруутугар бииргэ үлэлээбит дьонун уонна уопсастыбаннас этиилэрэ учуоттаныахтаахтар, маны сэргэ Михаил Николаев тус бэйэтин көстүүтүн чуолкайдык тириэрдиигэ экспертэри кытта үлэ ирдэнэрин эттэ.
«Сорох деталлар чуолкайданнылар, билигин хамаанда бырайыактыыр-сметалыыр докумуону оҥорууга ылсар. Быйыл бүтүөхтээх бу үлэ. Ол кэнниттэн тутууга сыана оҥорор регионнааҕы кииҥҥэ тириэрдиллэр. Сөп диэн буолла да, комплекс тутуута саҕаланар», — диэтэ Любовь Папок.
