Субуотаҕа, сэтинньи 30 күнүгэр, 06:50 чааска (олохтоох бириэмэ) «Восточнай» космодромтан «Кондор-ФКА» №2 спутник көтөр, фрагменнара Саха сирин түөрт оройуонугар түһүөхтэрин сөп. Ол туһунан гражданскай оборуона дьыалаларыгар министиэристибэҕэ эттилэр.
Фрагменнар Алдан, Өлүөхүмэ, Бүлүү уонна Үөһээ Бүлүү улуустарын сирдэригэр-уоттарыгар түһүөхтэрин сөп.
Өрөспүүбүлүкэ олохтоохторо, булчуттар, табаһыттар, балыксыттар ойуурга сылдьаргытын бу күннэргэ туттунаргытыгар министиэристибэ сүбэлиир. Ыксаллаах балаһыанньа буоллаҕына 112 нүөмэргэ эрийэргитигэр ыҥырар.
