21 От ыйа 21.07
  • 25°
  • $ 88,02
  • 96,04

Израиль бастыҥ спортсменнара саха тайбоксердарын кытта күөн көрсүөхтэрэ

16:11, 11 мая 2016
Читайте нас на
Яндекс Новости
ЯДВ

Дьокуускайга Израиль чөмпүйүөннэрэ Виталий Хмельнитскай уонна Омар Аммаш Саха сирин спортсменнарын кытта тайскай боксаҕа тургутуһан көрө кэллилэр.


«Мин өр уонна дьулуурдаахтык дьарыктаммытым. Биһиги күүстээх уонна кыраһыабай киирсиилэри көрдөрүөхпүт», —диэн СИА-ҕа Израиль 2014 сыллааҕы чөмпүйүөнэ Омар Аммаш эттэ.

Сахацирк аренатыгар күрэхтэһии буолуоҕа. Бу күннэргэ Казахстан спортсмена Азамат Бакытов кэлиэхтээх.

«Мин Россияҕа аан бастакы кэлиим Саха сириттэн саҕаланна. Өрөспүүбүлүкэ дьонун олус сөбүлээтим. Бу мин бастакы профессиональнай киирсиим буолуоҕа», — диэтэ Израиль чөмпүйүөнэ Виталий Хмельнитскай.

«Вызов Якутии» турнирга Саха сириттэн кыттыахтара:

Александр Прядченко — профессионаллар ортолоругар аан дойду чөмпүйүөнэ, муай-тайга норуоттар икки ардыларыннааҕы турнирдар кыайыылаахтара, Таилааҥҥа ыытыллыбыт бангли стадионун чөмпүйүөнэ;

Александр Расторгуев — 2013-2014 сылларга ушу-саньдаҕа Уһук Илин икки төгүллээх чөмпүйүөнэ, кик-боксиҥҥа А. Иванов аатыгар анаммыт турнир үс төгүллээх чөмпүйүөнэ, ушу-саньдаҕа Россия чемпионатын икки төгүллээх призера.

Владимир Федоров — Уһук Илиҥҥэ ыытыллыбыт чемпионаттар призердара, «Вызов Амура» (2015) норуоттар икки ардыларынааҕы турнир кыайыылааҕа;

Айал Мигалкин — Азия регионнарын чемпионатын, Россия Кубогын призера.

Следите за самым важным и интересным в Telegram-канале и WhatsApp-группе ЯСИА