21 От ыйа 21.07
  • 17°
  • $ 88,02
  • 96,04

Индия хампаанньата Саха сиригэр онкоскрининг кииннэрин ситимин арыйар былааннаах

10:02, 16 декабря 2019
Текст:
Читайте нас на
Яндекс Новости
ЯДВ

Medanta Сунил Сачдэва индийскай хампаанньа хос тэрийээччитэ Уһук Илиҥҥэ бырайыактарын олоххо киллэрэр туһуттан Россияҕа тэрилтэ арыйыа. Бу туһунан инвестицияҕа уонна экспорды өйүүргэ Агентство пресс-сулууспата кэпсиир. Саха сиригэр онкоскрининг кииннэрин арыйар баҕалаах, диэн «Интерфакс» суруйар.


Россия уонна Индия Уһук Илини сайыннарыыга бииргэ үлэлээһиннэрэ РФ президенэ Владимир Путин уонна Индия өрөспүүбүлүкэтин премьер-миниистирэ Нарендра Моди 2019 сыллаахха Илиҥҥи экономическай форумҥа дуогабардаспыттарын кэнниттэн өссө тэтимирдэ.

«Сыл бүтүөр диэри Medanta Hospital индийскай хампаанньа хос тэрийээччитэ Саха сиригэр уонна Бурятияҕа бырайыактары олоххо киллэрэр сыаллаах Россиятааҕы юридическай сирэй тэрийэр», — диэн этиллэр иһитиннэриигэ.

Саха сиригэр «Меданта» хампаанньа онкоскрининг кииннэрин тэрийэр былааннаах. Өрөспүүбүлүкэ былааһа интэриэстээҕин биллэрдэ. Алтынньыга Дьокуускайга хампаанньа бэрэстэбиитэллэрэ кэлэ сылдьыбыттара. Манна «Меданта» Саха сиригэр медицина инфраструктуратын, ханнык өҥөлөргө ордук наадыйыы баарын үөрэппитэ.

Следите за самым важным и интересным в Telegram-канале и WhatsApp-группе ЯСИА