Парламентарийдар инбэлиитинэн ананар страховой уонна социальнай биэнсийэни уонна регионнааҕы социальнай эбии төлөбүрү сайабылыанньата суох биэрэри этэллэр. Сокуон барылын иккис ааҕыытын Госдума чугастааҕы мунньахха көрөр былааннаах, суруйар Парламентская газета.
Докумуону депутаттар уонна сенатордар оҥорон, тохсунньу 27 күнүгэр бастакы ааҕыыга ылыммыттара. Ааптардар этэллэринэн, инбэлиит дааннайа федеральнай реестрга киллэрилиннэҕинэ, быһа Биэнсийэ пуондатыгар барыахтаах. Сибидиэнньэни биэс үлэ күнүн иһинэн көрүллэр уонна тустаахха биэнсийэ ананарын туһунан биллэрии тиийиэхтээх.
Маны сэргэ, регионнааҕы эбии төлөбүрү уонна эрдэлээн биэнсийэҕэ таһаарыы туһунан дьаһаллары эмиэ сайабылыанньата суох оҥоруу этиллэр.
