Ордук көхтөөхтөрүнэн Дьокуускай, Ленскэй, Алдан, Мииринэй, Өлүөхүмэ, Сунтаар, Ньурба, Нерюнгри, Томпо, Уус Алдан, Мэҥэ Хаҥалас уонна Хаҥалас оройуоннара буоллулар, ол туһунан ЦУР салайааччыта Василий Десяткин эттэ.
Арктика улуустарыгар Анаабыр, Дьааҥы, Үөһээ Халыма, Орто Халыма улуустара лидердээтилэр.
«Ордук элбэх ыйытыы суол, тырааныспар, тутуу уонна тупсарыныы, ОДЬКХ уонна энергетика, олорор дьиэ, хаарбах туруктаах дьиэттэн дьону көһөрүү, доруобуйа харыстабыла, социальнай көмө, үлэ, үөрэх, тыа хаһаайыстыбата, сибээс уонна интернет, экология, сыана, предпринимательство уонна экономика тиэмэлэригэр киирдилэр», – эттэ Десяткин.
Салайааччы эппитинэн, быйылгы быһа холбонуу уратытынан видеонан ыйытыылар баар буолуохтара. Боппуруостаргытын 8 (4112) 506-006 нүөмэринэн биэриҥ, @voprosGlaveYakutii_bot чат-ботка ыытыҥ.
Киирбит боппуруостар барыта былаас уоргаттарыгар тириэрдиллэллэр, бэлиэтээн эттэ Василий Десяткин.
Санаттахха, Ил Дархан Айсен Николаев быһа холбонуута муус устар 27 күнүгэр киэһэ 18:00 чааска «НВК Саха», «Якутия 24», «Россия 24» телеханаалларга, «Тэтим», «Радио России», «Виктория Саха», «СТВ-радио» араадьыйа ханаалларыгар уонна социальнай ситимнэргэ ыытыллар.
