Саха сирин баһылыга Айсен Николаев Арктикаҕа телекоммуникация уонна цифровизация сайдыытын мунньаҕар тыл этиэҕэ. Тэрээһин Петербургтааҕы норуоттар ардыларынааҕы экономическай форум чэрчитинэн бэс ыйын 15 — 18 күннэригэр буолуоҕа.
Конференция сүрүн боппуруостара:
— Хотугу муора суолун акваториятыгар көрүллэр цифровой сервис биир кэлим платформатын оҥоруу уонна үлэлэтии;
— Хоту оройуоттары толору сибээһинэн хааччыйыы;
— Спутник сибээһин систиэмэтин сайыннарыы;
— Арктикаҕа волоконнай-оптическай линияны киллэрии;
— Экстремальнай климатическай усулуобуйаҕа телекоммуникационнай технологияны туттуу;
— Бырайыактары олоххо киллэриигэ судаарыстыбаннай-чааһынай бииргэ үлэлээһин мадьыалын туһаныы;
— телекоммуникационнай инфраструктураны тэрийиигэ биэдэмистибэлэр ардыларынааҕы бииргэ үлэлээһини ыытыы.
