«Z» киэбинэн георгиевскай лиэнтэлээх Кыһыл сулус логотип дойду көмүскэлигэр хорсун санааны, геройдуу быһыыны көрдөрөр. Кыһыл сулус — эр хоһуун уонна көмүскэл бэлиэтэ, георгиевскай лиэнтэ биһиги бэтэрээннэрбит хорсун быһыылара уонна кинилэр өйдөбүллэригэр убаастабыл бэлиэтэ.
«Ийэ дойдуну көмүскээччи сылын логотиба киин куораппыт ортотугар турда, куорат сүрүн болуоссатыгар. Көлүөнэлэр сомоҕолоһууларын, Ийэ дойдуну көмүскүүргэ бэлэммитин көрдөрөр, историяны уонна үгэстэри ытыктыырбыт бэлиэтэ», — диэтэ өрөспүүбүлүкэ салалтатын дьыалаларын управлениетын салайааччыта Иван Лазарев.
Санаттахха, Саха сиригэр Ийэ дойдуну көмүскээччи сылын биллэрэр туһунан быһаарыыны Ил Дархан Айсен Николаев Ил Түмэҥҥэ туһаайыытыгар эппитэ.
