27 Тохсунньу 27.01
  • -48°
  • $ 73,82
  • 83,32

II-с Лөгөйгө 256 тонна үүтү туттарар былааннаахтар

09:55, 25 июля 2016
Текст:

Уус Алдан улууһун II Лөгөй нэһилиэгэ от ыйын 1 күнүнээҕи туругунан, 1060 ынах сүөһүлээх, онтон ыанар ынаҕа – 307, 693 сылгыттан биэтэ – 336.


Ааспыт кыстыкка сөптөөх отунан хааччыллыбыт буолан, төрүөҕү ылыылара куһаҕана суох. 233 ньирэйи, 234 кулуну тыыннаахтыы ылбыттар. Онон ньирэй, кулун дьыалабыай тахсыытын 70 бырыһыантан түһэрбэтилэр.

Бородууксуйаны ылыы, батарыы былаан быһыытынан баран иһэр. Ыанньык ынахтары икки сайылыгынан – Хаптаҥаҕа, Атыыр Уҥуоҕар – туталлар. Хаптаҥаҕа хаһыс да сылын Агафья Тарабукина салайар бааһынай хаһаайыстыбатын иһинэн 40 ыанар ынах үүтэ соҕотуопкаланар. Агафья Николаевна бэйэтэ 19 ынах сүөһүлээх, бу иһиттэн биэһэ – ыанар.

DSC07906 (2)

Оттон Атыыр Уҥуоҕа сайылыкка ыанар ынаҕы нэһилиэнньэттэн хомуйан Елизавета Троева салайааччылаах фермаҕа көрөллөр. Манна түөрт ыанньыксыт баар. Бэрт тахсыылаахтык үлэлээбиттэрэ быйыл онус сылын туолла. Коллектив быйыл даҕаны 120 ынаҕы сайылыкка таһааран, үлэ үрдүк оҥорумтуотун көрдөрөр.

DSC07917 (2)

«Кинилэри сэргэ бөһүөлэккэ олорор алта ыал ордорунар үүтүн туттаран, эбии дохуот аахсар. Ити түмүгэр, нэһилиэк үрдүнэн күҥҥэ икки аҥар тонна үүт туттарыллар. Онон былааны толорор соруктаахпыт», — диир нэһилиэк дьаһалтатын тыа хаһаайыстыбатыгар исписэлииһэ Петр Бурнашев.

0
0
27 января 27.01
  • -48°
  • $ 73,82
  • 83,32