Бэс ыйын 8 күнүттэн Саха сирин хоту уонна Арктика оройуоннарыгар кыра суудуналарга навигация түһүмэхтэринэн аһыллан барыаҕа. Бу туһунан СӨ Тырааныспарын уонна суол хаһаайыстыбатын министиэристибэтэ иһитиннэрэр.
Навигацияны арыйыы кыраапыга:
Бэс ыйын 8 күнүттэн — Дьааҥы, Эбээн Бытантай уонна Үөһээ Халыма оройуоннарыгар;
Бэс ыйын 10 күнүттэн — Өймөкөөн, Муома, Орто Халыма, Өлөөн, Аллараа Халыма уонна Эдьигээн оройуоннарыгар;
Бэс ыйын 14 күнүттэн — Абый уонна Усуйаана оройуоннарыгар;
Бэс ыйын 16 күнүттэн — Аллайыаха, Анаабыр, Булуҥ оройуоннарыгар (Булуҥ улууһун Неелов хомотуттан ураты);
От ыйын 23 күнүттэн — Булуҥ улууһун Неелов хомотугар.
Оҥоһуллубут болдьох иннинэ уу акваториятыгар тахсыы бобуллар уонна административнай эппиэтинэскэ тардыллыыга тиэрдиэн сөп.
Киин оройуоннарга, ону тэҥэ Дьокуускай куорат уонна Жатай куораттааҕы уокуруктарыгар навигация бэс ыйын 1 күнүттэн аһыллыбыта.
