Истэн үөрэнэр хат устудьуон дьахталлар төрүүр уоппускаҕа барыахтарын уонна босуобуйаны ылар бырааптаахтар. Босуобуйа кээмэйэ эрэгийиэннээҕи тиийинэн олоруу алын кээмэйиттэн ааҕыллар уонна уоппуска бүтүн кэмигэр биирдэ төлөнөр. Бу туһунан РИА Новости Госдума үлэҕэ, социальнай бэлиитикэҕэ уонна бэтэрээннэр дьыалаларыгар сис кэмитиэтин бастакы солбуйааччыта Николай Коломейцевка сигэнэн иһитиннэрэр.
Кини этэринэн, урут төлөбүр стипендия кээмэйигэр тэҥнэһэр эбит буоллаҕына, 2025 сыл балаҕан ыйын 1 күнүттэн тиийинэн олоруу алын кээмэйигэр диэри үрдээбит. Үрдүк үөрэх кыһаларын, колледжтары уонна училищелары бюджет да, төлөбүрдээх да хайысханан үөрэнэр устудьуон дьахталлар босуобуйаны ылар бырааптаахтар. Төлөбүрү «Госуслуги», МФЦ эбэтэр Социальнай пуонда клиентскай сулууспатынан оҥорторуохха сөп. Онно дьахтар консультациятыттан хат буолуунан сибээстээн үлэлиир кыаҕа суоҕун туһунан ыспыраапка уонна деканаттан ыспыраапка наада буолар.
Коломейцев ону таһынан Арассыыйатааҕы Наука уонна үрдүк үөрэх министиэристибэтин дааннайынан, үрдүк үөрэх кыһаларыгар истэн 16 тыһыынчаттан тахса оҕолоох устудьуон дьахтар үөрэнэр диэн бэлиэтээтэ.
