Саха сирин киин куоратыгар Өрөспүүбүлүкэ болуоссатыгар Оҕо көмүскэлин норуоттар икки ардыларынааҕы күнүгэр үөрүүлээх быһыыга-майгыга дьүрүскэн фонтан аһылынна. Бу туһунан ЯСИА иһитиннэрэр.
Эрдэ Дьокуускай дьаһалтата фонтан үлэтин кыраапыгын туһунан иһитиннэрбитэ:
— үлэ күннэригэр — сарсыарда 09:00 чаастан киэһэ 21:00 диэри, оттон дьүрүскэн шоу — киэһэ 20:00 чаастан 21:00 диэри;
— өрөбүллэргэ уонна бырааһынньык күннэригэр — сарсыарда 09:00 чаастан киэһэ 22:00 диэри, дьүрүскэн шоу — киэһэ 21:00 чаастан 22:00 диэри.
Дьаһалта олохтоохторго сэрэхтээх буолуу миэрэлэрин тутуһар наадатын санатан эттэ: фонтан иһитигэр киирии уонна онно малы быраҕыы бобуллар.
Саҥа дьүрүскэн фонтаны Дьокуускайга 2024 сыллаахха Өрөспүүбүлүкэ сүрүн болуоссатын киэҥ хабааннаах уларыта тутуутун түмүгэр аспыттара. Болуоссаты саҥардыы дойду бэрэсидьиэнэ Владимир Путин бигэргэппит куорат маастар-былааныгар киирбит бастакы эбийиэк буолар.
