Бэс ыйыгар Саха сиригэр салгын температурата нуорматтан намыһах буолуо диэн Арассыыйатааҕы Гидрометкиин бастакы сайыҥҥы ыйга оҥорбут барыллааһынын суруллар.
«Поволжьеҕа, Арассыыйаҕа соҕуруу өттүгэр, Саха сиригэр уонна Уһук Илиҥҥэ килиимэт нуорматыттан намыһах температура күүтүллэр», — диэн иһитиннэриигэ бэлиэтэммит.
Сөҥүү туһунан этэр буоллахха, Саха сирин Арктика кытылыгар ахсаана нуорматтан намыһах буолуо диэн сабаҕалыыллар. 2025 сыллаахха бэс ыйа Дьокуускайга бүтэһик 10 сылга саамай тымныы буолбута.
«Погода и климат» сервиһин дааннайынан, салгын орто температуратын көрдөрүүтэ +15,8 кыраадыска тэҥнэспит, оттон нуормата +17. Ааспыт сыл бэс ыйын иккис аҥаара ордук тымныытынан аатырбыта.
