17 Ыам ыйа 17.05
  • -7°
  • $ 104,68
  • 115,6

Хаҥаластар окко былааннарын 45% толордулар

17:01, 04 августа 2020
Текст:

Хаҥалас отчуттара бу күҥҥэ 12562 га сири охсон 14963,5 туонна оту бэлэмнээтилэр. Бу былаан 45%-на. Окко балтараа тыһыынчаттан тахса киһи, 471 тиэхиньикэ үлэлиир диэн, СИА иһитиннэрэр.


40 тыһынча сүөһү-сылгыны кыстатарга улуус үрдүнэн барыта 39 тыһ. туоннаттан итэҕэһэ суох от бэлэмнэниэхтээх. Билиҥҥитэ от хаамыыта үчүгэй.

«Улахан Аан, Иһит, Төхтүр, Хачыкаат, Булгунньахтаах тэрээһиннээх хаһаайыстыбалара итиэннэ Кытыл-Дьураа, Өктөм, Уулаах Аан кэтэх хаһаайыстыбалара инники күөҥҥэ иһэллэр», — диэн улуус баһылыгын солбуйааччы Олег Иринеев кэпсиир.

Оттоммут оту тута сүөһү-сылгы кыстыыр сиригэр тиэйии-таһыы үлэтэ барар.

500 туонна окко өрөспүүбүлүкэ саппаас пуондатыгар сайаапка түһэн сытар, итэҕэс тахсар түгэнигэр улуус онтон толорунар былааннаах.

Улуус үрдүнэн барыта 40 тыһынча сүөһү-сылгы баар. Онтон 8426 тэрээһиннээх хаһаайыстыбалар сылгылара, 9427 ынах-сүөһү, 13460 кэтэх дьон сылгыта.  

Следите за самым важным и интересным в Telegram-канале и WhatsApp-группе ЯСИА
0
0