24 От ыйа 24.07
  • 25°
  • $ 87,3
  • 95,46

Хаҥалас оройуонугар айан суолугар тайаҕы массыына түҥнэри көттө

Хаартыска: ЯСИА саайта
Читайте нас на
Яндекс Новости
ЯДВ
Бэс ыйын 6 күнүттэн бэс ыйын 7 күнэ буолар түүнүгэр «Умнас» айан суолун 84 км массыына тайаҕы өлөрдүү түҥнэри көттө. Ол туһунан Хаҥаластааҕы ГАИ иһитиннэрдэ.

Быһылаан Мохсоҕоллоох уонна Покровскай ардыгар буолла. «Тойота Виш» массыынаны 44 саастаах суоппар ыытан, куораттаан испит.

Быһа барыллаан, 23:00 чааска айан суолугар эмискэ тайах тахсан кэлбит. Охсуу күүһэ бэрдиттэн, массыына инники өттө хомуллубут, тайах суол кытыытыгар эһиллибит. Суоппар улахан эчэйии ылбатах. Эр киһиэхэ амбулаторнай эмтэнии анаммыт. Бэрэбиэркэ көрдөрөрүнэн, саахал тахсар кэмигэр суоппар итирдэр утаҕы испэтэх.

Тайах суол саахала тахсыбыт сиригэр өлбүт.

ГАИ суоппардар түүҥҥү кэмҥэ түргэннэрин бытаардалларыгар сүбэлииллэр. Сайын буолан суолга кыыл-сүөл тахсар.

Следите за самым важным и интересным в Telegram-канале и WhatsApp-группе ЯСИА