Судаарыстыбаннай өҥөлөр порталларыгар ааһан эрэр сыл сэтинньи уонна ахсынньы ыйдарынааҕы биир кэлим босуобуйалара дьоҥҥо тиийэр күннэрин иһитиннэрдилэр.
Баан счетугар босуобуйа ахсынньы 3 уонна 28 күннэригэр тиийэр, почтанан барар — ахсынньы 25 күнүгэр диэри (сэтинньитээҕи).
Ахсынньыга ылаллар:
- ахсынньы 3 күнэ — 3 сааһыгар диэри бастакы оҕоҕо, 1,5 сааһыгар диэри оҕо көрөн олорооччуларга 2024 сыл сэтинньитээҕи төлөбүрдэр;
- ахсынньы 5 күнэ — 3 сааһыгар диэри ийэ хапытаалыттан төлөбүр, 2024 сыл сэтинньитээҕи;
- ахсынньы 6 күнэ — 1,5 сааһыгар диэри оҕотун көрөн олорооччуга 2024 сыл сэтинньитээҕи босуобуйа;
- ахсынньы 28 күнүгэр диэри — 2024 сыл ахсынньытааҕы төлөбүрдэр.
