Бээтинсэ бэс ыйын 12 күнэ буолар түүнүгэр Дьокуускайга уонна элбэх оройуоҥҥа хаһыҥ түһэрэ күүтүллэр. Бу туһунан Саха сиринээҕи УГМС сэрэтэр.
Синоптиктар сабаҕалааһыннарынан, өрөспүүбүлүкэ киин куоратыгар, киин, илин эҥэр уонна арҕаа оройуоннар намтал сирдэригэр температура түүн 0…-2 кыраадыска диэри буолуоҕа.
Күнүс Дьокуускайга +16…+18 кыраадыс, хотугулуу-арҕааттан 3–8 м/с түргэннээх тыаллаах буолуоҕа. Киин оройуоннарга +15…+20, хотугулуу-арҕаа +21…+26, хотугулуу-илин +8…+13, кытылга 0…+5 кыраадыс буолара күүтүллэр.
Соҕуруу уонна хотугулуу-илин кыра ардах түһүөҕэ, түүн соҕуруулуу-илин — орто ардах, хайаларга уонна хоту — инчэҕэй хаардаах.
