Томпо улууһун Дьабарыкы Хайа бөһүөлэгэр көстүбүт үрүҥ эһэни куоластааһын түмүгүнэн Томпа диэн ааттаатылар. Үс нэдиэлэ устата ыытыллыбыт куоластааһын бэҕэһээ түмүктэннэ.
«Томпа» диэн эһэ булуллубут улууһун аатыгар олоҕурбут аат туһугар 72 тыһыынча киһи куолаһын биэрбит. «Айталина» туһугар куоластааччы 38% куолаһын биэрбит.
Үс саастаах үрүҥ эһэни бу саас ыам ыйын 11 күнүгэр Дьабарыкы Хайа бөһүөлэгэр киирбитин туппуттара. Ыам ыйын 23 күнүттэн эһэ Москуба зоопаркатыгар олохсуйбут.
