Ньурба улууhун Дьаархан нэhилиэгэр бүгүн 18 чааска 157 киһи куоластаата. Дьаархан нэһилиэгин учаастактааҕы быыбар хамыыһыйатыгар бэрэссэдээтэл Айталина Мандарова салалтатынан 5 буолан үлэлииллэр.
Айталина Семеновна иһитиннэрэринэн, нэһилиэккэ улуус баһылыгын сэргэ нэһилиэк баһылыгын уонна нэһилиэк Сэбиэтин дьокутааттарын талаллар.
Нэһилиэк баһылыгар икки киһи киирсэр: бу күҥҥэ диэри нэһилиэк баһылыгынан үлэлээн кэлбит Александров Павел Михайлович уонна фельдшерскэй пуун биэлсэрэ Конощук Станислав Святославович. Нэһилиэк Сэбиэтигэр 7 мандакка 10 кандидат киирсэр.
Ааптар: Геннадий Антонов, «Ньурба» хаһыат телеграмм-ханаала
