Дьааҥы оройуонугар сүппүт саастаах эр киһини салгыы көрдүүллэр. Тэрээһиҥҥэ оройуоннааҕы быыһыыр этэрээт байыастара уонна олохтоох дьон кытталлар, диэн «Вести Верхоянья» телеграм-ханаал иһитиннэрэр.
Алтынньы 10 күнүгэр Дулҕалаах нэһилиэгэр балаҕан ыйын бүтүүтүттэн бэйэтин туһунан биллэрбэтэх олохтоох киһини көрдөөн саҕалаабыттара. Дьааҥы улууһугар көрдүүр-быыһыыр этэрээт начальнига Руслан Потапов иһитиннэрбитинэн, хас да уонунан километр ойууру уонна өрүс кытылын чинчийбиттэр эрээри, билиҥҥитэ була иликтэр.
Быыһааччылар этэрээттэрэ кэлиэхтэрин иннинэ олохтоохтор бэйэлэрин күүстэринэн көрдүү сатаабыттар, сүппүт киһи бу балаҕан ыйын бүтэһигиттэн сибээскэ тахса илик.
