23 От ыйа 23.07
  • 28°
  • $ 87,78
  • 95,76

Босхо бырайыаһынан туһаныҥ!

16:47, 15 февраля 2017
Текст:
Читайте нас на
Яндекс Новости
ЯДВ

Биэнсийэ фондатын Саха сиринээҕи салаата иһитиннэрбитинэн, үлэлээбэт биэнсийэлээхтэр икки сылга биирдэ Россия территориятын иһигэр кэлии-барыы бырайыаһынан буор-босхо туһаныахтарын сөп. Бу туһунан edersaas.ru көрүҥ.


Үбү-харчыны боруостааһын икки көрүҥэ баар. Ол курдук, биэнсийэлээх бэйэтин харчытыгар билиэт атыылаһан баран, харчытын төлөттөрөр. Иккиһинэн, анал толуонунан туһаныан сөп. Ол аата, ханна эрэ сынньана, эбэтэр эмтэнэ барыан иннинэ, айан толуонун ылан, авиахаассаҕа сөмөлүөт билиэтигэр уларыттарыахтаах.

Сыллата Биэнсийэ фондатын Саха сиринээҕи салаата өрөспүүбүлүкэ уонна Россия киин куораттарыгар көтүүгэ авиа-хампаанньалары кытары судаарыстыбаннай хантараактары түһэрсэр. 2017 сылга Аллараа Халыма, Аллайыаха, Өймөкөөн, Өлөөн, Усуйаана, Эдьигээн, Дьааҥы, Үөһээ Халыма, Орто Халыма, Эбээн Бытантай, Анаабыр, Абый, Муома, Бүлүү умнаһынан олорор улуустарга итиэннэ Өлүөхүмэ, Мирнэй, Ленскэй, Нерюнгри куораттарыгар сөмөлүөтүнэн көтүүгэ дуогабар түһэрсиллибит.

Фонда исписэлиистэрэ иһитиннэрбиттэринэн, Дьокуускайтан Россия киин куораттарыгар, Краснодарскай кыраайга уонна Уһук Илин регион куораттарыгар босхо айанныыр кыах баар.

Босхо билиэтинэн үлэлээбэт биэнсийэлээхтэр хааччыллаллар. Онон атын куораттарга сынньана, эмтэнэ барааччылар Биэнсийэ фондатын Саха сиринээҕи салаатын улуустарга баар уорганнарыгар сайабылыанньа түһэриэхтэрин наада. Маны таһынан, элбэх функциялаах киин өҥөтүнэн туһаныахтарын сөп.

Следите за самым важным и интересным в Telegram-канале и WhatsApp-группе ЯСИА