16 От ыйа 16.07
  • 21°
  • $ 87,81
  • 95,78

Бороҕоҥҥо Кыайыы күнүгэр "Азия оҕолорун" Уота кэллэ

15:15, 09 мая 2016
Текст:
Читайте нас на
Яндекс Новости
ЯДВ

Уус Алдан Бороҕонугар Кыайыы күнүгэр «Азия оҕолоро» спортивнай Оонньуулар уоттара киин уулуссанан, болуоссатынан айаннаата. 


Ыам ыйын 7 күнүгэр уус алданнарга Уоту мэҥэлэр туттарбыттара, нэһилиэктэринэн сылдьан баран, бүгүн улуус киинигэр Бороҕоҥҥо кэллэ. Салгыы Лөгөй, Бороҕон, Суотту нэһилиэктэринэн Намҥа тиийиэхтээх. Делегация салайааччытынан экстремал сүүрүк Дмитрий Горохов сылдьар.

Улуус баһылыгын солбуйааччы Геннадий Васильев: «Бүгүн, өрөгөйдөөх Кыайыы күнүн үөрүүлээх тэрээһиннэрин кэмигэр биһиэхэ, «Азия оҕолоро» норуоттар икки ардыларынааҕы 6-с Оонньуулар уоттара ыраах Дьааҥы улууһуттан саҕыллан кэлбитэ бэлиэ түгэн буолла. Улууспутуттан республика сүүмэрдэммит хамаандатыгар киирбит оҕолор быйылгы оонньууларга ситиһиилээхтик, кыайыы кынаттаах кыттыахтара диэн эрэлбит улахан. Бүгүн салгыы уоту ыаллыы сытар Нам улууһугар туттарыахпыт», — диэтэ.

«Майаҕатта Бэрт Хара» стадиоҥҥа Кыайыы күнүгэр аналлаах үөрүүлээх миитин кэмигэр «Азия оҕолоро» Оонньууларга кыттыахтаах Уус Алдан оҕолоро стадиону эргийэ уоту тутан сүүрдүлэр. Кинилэри сэргэ ветеран спортсменнар эмиэ кытыннылар.

Россия үтүөлээх образцовай коллектива «Кэнчээри» оҕо народнай ансаамбыл иитиллээччилэрэ «Азия оҕолоро» оонньуулар гимнэрин толордулар.

Следите за самым важным и интересным в Telegram-канале и WhatsApp-группе ЯСИА