27 Ыам ыйа 27.05
  • -7°
  • $ 104,68
  • 115,6

Бартыһааннар суолларын уонна социальнай эбийиэктэри тутууну бырабыыталыстыбаҕа туруорустулар

Нам улууһун Бартыһаан нэһилиэгэр СӨ ситэриилээх былааһын ааспыт сыллааҕы үлэтин предпринимательство, туризм миниистирин солбуйааччы Потапов Максим Михайлович отчуоттаата.


Бырабыыталыстыба 2019 сылга ыыппыт үлэтин отчуотун бартыһааннар олус болҕойон иһиттилэр уонна сайдыыга туһуламмыт ыйытыылары биэрдилэр.

Холобура, Нам — Дьокуускай суолун өрөмүөнэ, трасса кытыытыгар остановкалары тутуу, уот ситимин тардыы, быһыт оҥоруу, дьыссаат, спортзал тутуулара, үүт  боппуруоһа эмиэ сытыытык турда. Саха сиригэр хостонор баайтан төһө нолуок киирэрин интэриэһиргээтилэр.

Орто оскуола директора Александр Гуляев  үөрэнээччилэр бизнескэ сыстаҕас буоллахтарына, ырыынак  үйэтигэр уонна олоххо бэлэм буолуо этилэр диэтэ. Үөрэх кыһатыгар арыллыбыт бизнес-инкубатор үлэтин-хамнаһын кытта билсэллэригэр ыҥырда.

Сир исписэлииһэ Валерий Мордосов сааскы халаан уутугар ылларар нэһилиэктэргэ туох да тутуу барбат диэн уурааҕы төрдүттэн утарарын, сири-уоту үчүгэйдик үөрэтэн эрэ баран, хааччахтыыр миэрэлэр оҥоһуллуохтаахтарын туруоруста.

Отчуот кэнниттэн бөлөх биирдиилээн дьон кыһалҕаларынан көрсүһүү оҥордо. Манна  7 киһи суруттаран, бэйэлэрин боппуруостарын быһаартардылар.

Ааптар: Полина Скрябина, Бартыһаан, https://ulus.media/2020/02/12/nam-uluu-un-barty-aanygar-sr-siteriileeh-bylaa-yn-otchuotun-bi-ireetiler/

Следите за самым важным и интересным в Telegram-канале и WhatsApp-группе ЯСИА
0
0