От ыйын маҥнайгы күнүттэн Арассыыйа биэнсийэҕэ пуондатын нөҥүө биэнсийэни уонна атын социальнай төлөбүрдэри баан каарталарыгар ылааччылар бука бары «Мир» картаҕа көһөллөр.
Тоһоҕолоон эттэххэ, «Мир» картаҕа көһүү социальнай төлөбүрдэрин баан картатыгар ылааччыларга эрэ сыһыаннаах. Почтаҕа, сберкиниискэҕэ, уурдарыы суотугар ылааччылары хаарыйбат.
Федеральнай сокуонунан дойду төлөбүрүн ситимигэр көһүү туһунан Арассыыйа баана биллэрбитэ ыраатта да, уустук санитарнай-эпидемиологическай балаһыанньанан болдьох хаста да көһөрүллүбүтэ. Онон 2021 сыл от ыйын биир күнүттэн көһүү булгуччулаах буолла.
«Мир» картаҕа көһөн саҥа реквизиттэммиттэр үксүлэрэ государственнай өҥөлөр саайтарын уонна Пуонда саайтын нөҥүө, биитэр клиенскэй сулууспаларга бэйэ кэлэннэр саҥа дааннайдарын Биэнсийэ пуондатыгар тиэртилэр.
От ыйын 1 күнүгэр диэри каартаҕа харчытын ылааччы «Мир»-гэ көспөтөх буоллаҕына, Биэнсийэ пуондата харчыны ыытта да, баан уон күн иһигэр гражданиҥҥа «Мир» каартаны ылыахтааҕын туһунан биллэрэр.
