Бүгүн Саха сирин соҕуруулуу-арҕаа өттүгэр күнүс +13 кыраадыска тиийэ сылыйыаҕа. Онуоха, регион хоту өттүгэр -10 кыраадыска диэри тымныы буолара күүтүллэр. Бу туһунан Саха сиринээҕи УГМС иһитиннэрэр.
Саамай тымныы күн-дьыл алтынньы 9 күнүн түүнүгэр өрөспүүбүлүкэ хайалаах сиригэр олохтонуоҕа. Онно -18 кыраадыска диэри тымныы буолуоҕа.
Киин оройуоннарга түүн -5 кыраадыска диэри тымныйыаҕа, ол эрээри күнүһүн +8 диэри үрдүөҕэ. Дьокуускайга температура +3 кыраадыстан үрдүүрэ күүтүллүбэт.
Өрөспүүбүлүкэ хотугулуу-илиҥҥи уонна хотугулуу-арҕаа өттүгэр, ону тэҥэ Өлүөнэ аллараа тардыытыгар хаар, инчэҕэй хаар уонна ардах түһэрэ сабаҕаланар.
