23 От ыйа 23.07
  • 21°
  • $ 87,78
  • 95,76

«Азия оҕолоро» оонньуулар уоттара Владивостокка кэллэ

09:07, 25 июля 2022
Читайте нас на
Яндекс Новости
ЯДВ

Өрөбүлгэ «Азия оҕолоро» VII аан дойдутааҕы спортивнай оонньуу уота Владивосток куоракка тиийдэ диэн куорат дьаһалтатын сайтыгар иһитиннэрдилэр.

«Владивосток маннык таһымнаах күрэхтэһиини аан бастаан көрсөр. Онон хас биирдии спортка чугас киһи бу күрэхтэһиилэр таһымнаахтык ааһалларыгар кыаһаллыаҕа», – диэн Владивосток баһылыга Константин Шестаков бэлиэтээтэ.

Уот Эстафета бэс ыйын 24 күнүгэр Саха сирин «Ленские столбы» национальнай пааркатыгар саҕаламмыта. Уоту саха ойууна умаппыта. Онтон кинини Приморьеҕа аҕалан, бэс ыйын 30 күнүттэн Приморскай кыраай куораттарынан, бөһүөлэктэринэн ааспыта. Олохтоохтор уонна ыалдьыттар от ыйын 28 күнүгэр эстафетаҕа кыттааччылары эҕэрдэлиэхтэрин сөп. Онно 40 факел тутааччыта кыттара былааннанар — Владивосток сайдыытыгар кылааты киллэрбит дьон, ааттаах- суоллаах спортсменнар уонна общественнай деятеллэр.

«Азия оҕолоро» VII аан дойдутааҕы спортивнай оонньуулара от ыйын 27 күнүттэн атырдьах ыйын 8 күнүгэр диэри Владивостокка ыытыллыахтара. Кыттааччылар уопсай ахсааннара үс тыһыынчаттан тахса киһи буолара күүтүллэр. Күрэхтэһиигэ 13-16 саастаах спортсменнар кыттыахтара. Барыта 19 көрүҥҥэ  273 комплект мэтээл оонньоноро былааннанар.

Следите за самым важным и интересным в Telegram-канале и WhatsApp-группе ЯСИА
Тутаах тыллар