24 От ыйа 24.07
  • 25°
  • $ 87,3
  • 95,46

Арассыыйа буоксаҕа чөмпүйэнээтигэр диэри кыра кэм хаалла

13:01, 12 ноября 2020
Текст:
Читайте нас на
Яндекс Новости
ЯДВ

Саха сирин буоксаҕа сүүмэрдэммит хамаандата Талбан Егоров, Николай Григорьев, Михаил Варламов уонна Айаал Степанов тренердэрэ Владимир Павловтыын сэтинньи 12 күнүгэр Краснодарга көттүлэр. Уолаттар манна Арассыыйа чөмпүйэнээтин иннигэр бүтэһик бэлэмнэниини ааһыахтара диэн, Спорт Якутии суруйар.


Арассыыйа чөмпүйэнээтигэр барыта уон саха боксера кыттыа. Саха сирин Талбан Егоров, Николай Григорьев, Михаил Варламов, Айаал Степанов уонна Виталий Стручков көмүскүөхтэрэ. Москуба сүүмэрдэммит хамаандатын састаабыгар Борис Сидоров уонна Назар Андреев бааллар. Евгений Мартынов Санкт-Петербургтан, Михаил Прокопьев Краснодарскай кыраайтан киирсиэхтэрэ. Саха сирин сүүмэрдэммит хамаандатын лиидэрэ, спорт үтүөлээх маастара Василий Егоров Саха сирин уонна Москуба уобалаһын чиэстэрин көмүскүө.

Арассыыйа буоксаҕа чөмпүйэнээтэ Оренбург куоракка бу ый 28  күнүттэн ахсынньы 6 күнүгэр диэри барыа.

Следите за самым важным и интересным в Telegram-канале и WhatsApp-группе ЯСИА