Халлаантан саба түһүү кутталыттан тутуу судаарыстыбаннай хантараактарын усулуобуйаларын уларытыахха сөп.
Арассыыйа Бэдэрээссийэтин сиригэр-уотугар халлаантан саба түһүү кутталын тохтотор уонна анал байыаннай дьайыы кэмигэр Арассыыйа Бэдэрээссийэтин сокуоннарын аакталарыгар уларытыылары киллэрэр туһунан Арассыыйа Бэдэрээссийэтин Бырабыыталыстыбатын 2026 сыл алтынньы 2 күнүнээҕи 1288 №-дээх уурааҕа.
ДНР, ЛНР, Крым Өрөспүүбүлүкэтин, Белгородскай, Брянскай, Курскай, Запорожскай уонна Херсонскай уобаластар, ону тэҥэ Севастополь сирдэригэр-уоттарыгар, халлаантан саба түһүү атаакалара тутууну толорууну мэһэйдиир буоллахтарына, тутуу судаарыстыбаннай хантараактарын усулуобуйаларын өрүттэр сөбүлэҥнэринэн уларытар көҥүл бэрилиннэ.
Тутуу, саҥалыы тутуу, хапытаалынай өрөмүөн уонна көтүрүү симиэтэнэн сыанатын дьиҥнээҕин бэрэбиэркэлиир ураты бэрээдэк олохтонно. Ону тэҥэ хантараагынан көрүллүбүт эбэһээтэлистибэлэри толорботох эбэтэр куһаҕаннык толорбуттарынан сибээстээн ааҕыллар ыстарааптартан көмүскэнии бэрээдэгэ быһаарылынна, уонна харыстаныы миэрэлэрин олоххо киллэриигэ табаардары (үлэлэри, өҥөлөрү) соҕотох хааччыйааччыттан атыылаһар кыах көрүлүннэ.
Арассыыйа Бэдэрээссийэтин «Судаарыстыбаннай национальнай бэлиитикэни олоххо киллэрии» судаарыстыбаннай бырагырааматыгар уларытыылар киирдилэр.
Арассыыйа Бэдэрээссийэтин Бырабыыталыстыбатын 2026 сыл алтынньы 5 күнүнээҕи 1298 №-дээх уурааҕа «Арассыыйа Бэдэрээссийэтин Бырабыыталыстыбатын сорох аактарыгар уларытыылары киллэрии туһунан»
Судаарыстыбаннай национальнай бэлиитикэни олоххо киллэриигэ эрэгийиэннээҕи бүддьүөттэргэ субсидиялары биэрии бэрээдэгэ бигэргэннэ. Арассыыйа Бэдэрээссийэтин субъегар, бэдэрээлинэй бырайыакка кыттыһан үбүлүүр буоллаҕына, үп көрүллэр: Арассыыйа гражданнарын уопсастыбаннай сомоҕолоһууларын бөҕөргөтүү уонна Арассыыйа норуоттарын этно-култуурунай сайдыыларын өйөөһүн; Хоту, Сибиир уонна Уһук Илин аҕыйах ахсааннаах төрүт норуоттарын социальнай-экэнэмиичэскэй сайдыыларын бырайыактарын өйөөһүн; анал кииннэргэ тас дойдулар гражданнарын социальнай уонна култуурунай адаптациялааһыны хааччыйыы.
Кэлэр үбүлээһин сылын иннинээҕи сыл атырдьах ыйын 18 күнүгэр диэри субсидия ылар эрэгийиэннэр сыллата талыллаллар.
Саха парламент саайт сонунун Артур Харбаев тылбаастаата.
