Саха сирин УГМС иһитиннэрбитинэн, Дьокуускайга чугастааҕы сууккаҕа +35…+37° тиийэ итийиэҕэ, сөҥүү түһэрэ күүтүллүбэт. Тыал соҕуруу диэкиттэн 3–8 м/с түргэннээх, күнүс 9–14 м/с диэри күүһүрүөн сөп. Түүн температурата +19…+21° буолуоҕа.
Ити кэмҥэ атын улуустарга халлаан туруга биллэ араастаһыылаах буолуоҕа. Арҕаа, Өлүөнэ алын тардыытынан уонна хотугулуу-илин быстах ардах, сорох сиринэн дохсун самыыр, этиҥнэниэҕэ. Тыал орто, хотугулуу арҕааттан, Өлүөнэ алын тардыытынан, Арктика кытылыгар уонна этиҥнээх кэмҥэ — 15–20 м/с диэри күүстээх.
Өрөспүүбүлүкэ үрдүнэн температура араастаһыыта 30-тан тахса кыраадыс буолуоҕа. Киин улуустарга күнүс термометрдар +32…+37° көрдөрүөхтэрэ (ардахха — +20…+25°), оттон хотугулуу-арҕаа, сорох хотугу улуустарга уонна Халымаҕа лаппа сөрүүн соҕус — +10…+15°. Түүн онно +3…+8° күүтүллэр.
