Дьокуускайга үрдүк үөрэхтэр кыһаларын аан дойду таһымнаах кампустара оҥоһуллара былааннанар. Бу үрдүкү технологичнай научнай-үөрэх эйгэтин региоҥҥа тэрийиэҕэ. Былаан быһыытынан 2027 сылга үлэҕэ киириэҕэ.
Ол туһунан ХИФУ ректора, бырайыак көҕүлээччитэ Анатолий Николаев ТАСС-ка эттэ.
«Хотугулуу-илиҥҥи федеральнай университет уонна медицина институтун үөрэтэр-лабораторнай корпуһун виварийын кытта үрдүк үөрэх кыһаларын кампустарын өйүүр бырайыакка үлэлиибит. Бу икки тус-туспа бырайыак, ити эрээри тэҥинэн тураллар, биир комплекска, 2027 уонна 2028 сылларга олоххо киириэхтэрэ», — диэтэ Николаев.
Үбүлээһинин 60% федеральнай бюджет уйунар, атынын — өрөспүүбүлүкэ уонна инвестор.
Бырайыак Дьокуускай куорат маастар-былааныгар киирэр.
