От ыйын 18 күнүгэр куорат баһылыгын социальнай боппуруостарга солбуйааччыта Владимир Аржаков тутулла турар үөрэх тэрилтэлэринэн сырытта. Бастатан туран, Аржаков ДСК 990 миэстэлээх оскуолатын үлэтин билистэ.
«Саҥа эбийиэк Дьокуускай маастар-кылааһыгар киллэриллэн турар. Бу эбийиэк үлэҕэ киирдэҕинэн үөрэх систиэмэтигэр ноҕорууска арыый чэпчиэҕэ», — диэтэ Владимир Аржаков.
Кини эппитинэн маастар-былаанынан барыта «12 уопсай үөрэх эбийиэгэ уонна 18 оскуола иннинээҕи саастаах оҕолор тэрилтэлэрэ тутуллар».
Сэргэлээх шоссетыгар адаптивнай киин тутуллар, манна 550 миэстэлээх коррекционнай оскуола, 200 миэстэлээх дьыссаат уонна 150 миэстэлээх социальнай адаптация интерната тутуллар.
Өссө биир анал оскуола Пирогов аатынан уулуссаҕа баар буолуоҕа. Үс этээстээх эбийиэк 180 миэстэлээх.
