22 От ыйа 22.07
  • 30°
  • $ 88,02
  • 96,04

Ярыгин турнирын көбүөрүгэр бүгүн Саха сирин биэс тустууга тахсар

11:25, 27 января 2023
Текст:
Читайте нас на
Яндекс Новости
ЯДВ

Бүгүн, тохсунньу 27 күнүгэр, Ярыгин турнирын көбүөрүгэр Саха сирин биэс тустууга тахсар. Категориялара — 79 уонна 125 кг диэри эр дьон, маны сэргэ 57 кг диэри дьахталларга. Киэһэ мэтээлгэ киирсиилэр буолаллар, сахалар онно эмиэ бааллар, суруйар СИА.

Ярыгин турнирын иккис күнүн 65, 79, 125 кг диэри ыйааһыннаахтар салгыыллар. 79 кг диэри Саха сириттэн Андриан Ленскай киирэр, 1/8 финалтан саҕалыыр. Супер-ыарахан ыйааһыҥҥа Никита Хабаров уонна Андрей Аронов киирсиэхтэрэ, иккиэн Саха сирэ.

Хабаров Россия чемпионатын боруонса призера Знаур Коциевтыын (Москва) күөн көрсүөҕэ. Аронов турниры 1/8 финалтан саҕалыаҕа, кини Ирантан Амиррез Амири кытта киирсии кыайыылааҕын кытта киирсиэҕэ уонна устудьуоннарга Россия чемпиона Гамзат Алижудиновтыын (Дагестан) күүс былдьаһыахтара.

Дьахталларга Саха сириттэн Евгения Огородникова уонна Кюндюнэ Борисова 57 кг диэри көбүөргэ тахсыахтара. Огородникова Монголия бэрэстэбиитэлин кытта, оттон Борисова Европаҕа бастыыр иһин күрэх кыайыылааҕа  Александра Андреевалыын тутуһуохтара.

Маны сэргэ «утешительнай» көрсүһүүлэргэ Константин Капрынов (70 кг диэри) киириэҕэ. Кини бэҕэһээ аан дойду чемпионатын призера Евгений Жербаевка (Бурятия) хотторбута. Александра Копылова уонна Александра Карамзина боруонса мэтээл иһин киирсиэхтэрэ.

Следите за самым важным и интересным в Telegram-канале и WhatsApp-группе ЯСИА