2022 сылга ыытыллыахтаах Саха сирин норуоттарын VIII спортивнай оонньуулара Уус Алдан улууһугар тэриллэллэр. Мас уустара 100 чороону оҥорорго ыҥырыы таһаардылар.
Бырайыагы олоххо киллэрэргэ Егоров Владимир Прокопьевич, Петров Семен Семенович, көмүс ууһа Колодезников Прокопий Михайлович, Сыырдаахтан тимир уустара Попов Илларион Егорович, Шепелев Афанасий Афанасьевич, Катакинов Александр Петрович, эдэр тимир уус Петров Иван Семенович алтынньы ый 4 күнүгэр Чэриктэйгэ тиийэн чороон оҥоһуутугар туттуллар мастарын бэлэмнээтилэр.
Мантан кыһын мас уустара Егоров Владимир Прокопьевич, Бурцев Мичил Николаевич, Нафанаилов Петр Сергеевич, Петров Семен Семенович, Пестряков Евгений Владимирович, Корякин Меркурий Васильевич чорооннорун кыһан, чочуйан, оһуор анньан, аны сайын 100 чороону бэлэм оҥоруохтара.
Бу бырайыагы өйөөн улуустааҕы ойуур хаһаайыстыбатын тэрилтэтэ көҥүл сурук биэрдэ, култуура управлениета бензининэн хааччыйда. Бырайыак олоххо киириитигэр бастакы хардыы оҥоһулунна, суруйда https://www.instagram.com/uusaldan.ru/
