21 От ыйа 21.07
  • 28°
  • $ 88,02
  • 96,04

Усуйаана дьахталлара съезкэ кытталлар

09:29, 15 марта 2016
Текст:
Читайте нас на
Яндекс Новости
ЯДВ

«Саха сирин дьахталлара гражданскай көҕүлээһин уонна инникигэ эппиэтинэс иһин» Саха сирин дьахталларын ХIV съеһигэр 500-тэн тахса делегат уонна уопсастыбанньык, олоххо көхтөөх көрүүлээх дьахталлар кыттыыны ылаллар.


Усуйаана улууһуттан кэлбит делегаттар съезд былаһааккаларыгар, секцияларыгар тарҕаһан үлэлээтилэр. Улуус делегациятын «Саха» Национальнай көрдөрөр-иһитиннэрэр компания «Заполярье» Усуйаанатааҕы студиятын начальнигынан үлэлиир, «Медиа-Яна» муниципальнай тэрилтэ дириэктэрэ Туйаара Семенова салайан кэллэ. «Съезкэ кыттыахтаах делегаттары талар соруктаах конференция олунньу 12 күнүгэр улуус киинигэр Депутатскайга буолбута. Онон улуус нэһилиэктэрин бастыҥ, чулуу дьахталлара съезкэ кыттар улахан эппиэтинэһи сүгэн, бу үлэлии кэллибит. Олус элбэх саҥаны биллибит, бэйэбит уопуппутуттан кэпсиибит, көрдөрөбүт. Олус наадалаах тэрээһин», — диир кини.

Усуйаана делегацията:

Марфа Григорьевна Слепцова (Тумат с.) – «Алгыс» уопсастыбаннай түмсүү бэрэссэдээтэлэ, СӨ култууратын туйгуна;

Мария Ивановна Слепцова (Хаһааччыйа с.) – «Чолбон» уопсастыбаннай хамсааһын бэрэссэдээтэлэ;

Акулина Романовна Дьячковская (Депутатскай б.) – үөрэх салаатын профсоюһун бэрэссэдээтэлэ;

Наталья Прокопьевна Николаева (Сайылык с.). – нэһилиэк муниципальнай тэриллиитин баһылыгын солбуйааччы уонна Туйаара Семенова бааллар.

Следите за самым важным и интересным в Telegram-канале и WhatsApp-группе ЯСИА