Онно эппиттэринэн, Таймылыыр нэһилиэгэр кыһыҥҥы суолунан улахан массыыналар арыгы таһаллар. Бу аҕыйах хонуктааҕыта нэһилиэккэ үс таһаҕастаах массыына кэлбит. Онтон төһөтө итирдэх утах буолуой?
Массыыналар Мииринэй өттүттэн кэлэллэрэ биллэр. Мунньах кыттыылаахтара массыыналар төннөллөрүгэр тугу тиэйэн баралларый, балык буоллаҕына, онно докумуоннаахтар дуо, нэһилиэккэ итини ким хонтуруоллууруй диэн боппуруостары туруордулар. Массыыналар нэһилиэккэ тугу аҕалалларын уонна тугу тиэнэн төннөллөрүн хонтуруолга ылар наадатын эттилэр. Таймылыыр олохтоохторо бу кыһалҕаны бэйэлэрэ баһаарар кыахтара суоҕун билиммиттэр, итиэннэ нэһилиэккэ бастайааннай төрүккэ полиция участковайын аныыры туруорсубуттар.
Булуҥнааҕы ИДьО начальнигын солбуйааччы А.П. Винокуров эппитинэн, Быыкап Мыыс уонна Таймылыыр нэһилиэктэрин көрөр участковай билигин командировкаҕа сылдьар, кэллэҕинэ тута Быыкап Мыыска уонна Таймылыырга барыаҕа, Таймылыырга туспа участковайы көрөр билиҥҥитэ кыаллыбат — нэһилиэккэ үс тыһыынчаттан тахса киһи олорор эрэ буоллаҕына, бастайааннай участковай ананар.
