Итирик туруктаах уруулга олорон быраабыттан быһыллыбыт эбэтэр медицинскай бигэргэтииттэн аккаастаммыт суоппардар 2022 сыл кулун тутарыттан хаттаан медицинскай ыспыраапканы ылыыга анаалыс туттараллара булгуччулаах буолуоҕа. РИА Новости ханаалга массыынаны ыытааччылар Арассыыйатааҕы уопсастыбаларын салайааччыта Валерий Солдунов эттэ.
«Эрдэ, бырааба быһыллыбыт суоппар, иккистээн медицинскай ыспыраапка ылыыга уопсай бэрээдэк быһыытынан барара. Хаан уонна да атын анаалыстары туттарбата. Саҥа быраабыланан, өскөтүн суоппар итирик туруктаах уруулга олорон быраабын былдьаппыт буоллаҕына, анаалыс туттарара булгуччулаах буолуоҕа», — диэтэ Солдунов.
Кини эппитинэн, суол быраабылатын куруубайа суох кэһиигэ улахан уларыйыы киирбэт. Ити эрээри быраас медхамыыһыйа кэмигэр киһи арыгыга уонна наркотикка ылларыылааҕын биллэҕинэ, кинини анаалыс туттарыыга ыытыахтарын сөп.
Кини быһаарбытынан, бу быраабыттан быһыллыбыт киһиэхэ эрэ буолбакка, саҥа туттарааччыга эмиэ сыһыаннаах.
Билигин ыспыраапкаҕа эбии пункт эбилиннэ, онно тоҕо медицина бигэргэтиитэ тоҕо наада буолбута ыйыллар.
