Саха сирин тустууктара Красноярскайга буолар Дмитрий Миндиашвили Россиятааҕы турнирыгар бэлэмнэнэллэр. Күрэхтэһиигэ Иван Ярыгин турнирыгар путевкалар оонньонуохтара. Ол туһунан Саха сирин сүүмэрдэммит хамаандаларын бэлэмниир киин иһитиннэрдэ, суруйар ЯСИА.
Миндиашвили турнира ахсынньы 26 — 29 күннэригэр буолар. Саха сирин хамаандатыгар 12 тустуук киирдэ:
Любомир Ашеин, Егор Явловский (57 кг), Манчаары Ильинов, Уйгулаан Степанов (61 кг), Николай Щелгов (65 кг), Игорь Матвеев, Константин Капрынов (70 кг), Албан Аввакумов, Станислав Свинобоев (74 кг), Анатолий Никитин (79 кг) уонна Харысхан Баппагай (125 кг).
