20 От ыйа 20.07
  • 17°
  • $ 88,02
  • 96,04

Саха спортивнай судьуйаларыгар кылаастарын үрдэттилэр

12:01, 13 апреля 2023
Текст:
Фото: Дьулустаан Сергеев, ЯСИА
Читайте нас на
Яндекс Новости
ЯДВ

Дойду спортка миниистирэ Олег Матыцин бирикээһинэн, Саха сирин арбитрдарыгар Россиятааҕы категориялаах спортивнай судьуйа квалификационнай категория иҥэрилиннэ. Бэйэлэрин кылаастарын гиирэ спордун уонна мас-рестлинг бэрэстэбиитэллэрэ үрдэттилэр, суруйар СИА.

Докумуоҥҥа олоҕуран, квалификационнай категория гиирэ спордун Саха сиринээҕи сүүмэрдэммит хамаандатын кылаабынай тренеригэр Василий Дьячковскайга туттарылынна. Маннык таһымы мас-рестлиҥҥа уопуттаах судьуйалар Егор Ермолаев, Кэрэчээнэ Николаева, Василий Протопопов уонна Андрей Сидоров ыллылар.

«Күрэхтэһиигэ сөптөөх кыттааччы ахсаана баар уонна маннык категориялаах судьуйалаах буоллахха, спортсменнар дойду спордун маастарын нормативын толорууларыгар олус туһалаах. Ол эбэтэр мас-рестлиҥҥа Россия спордун маастарын ахсаана өссө элбиэҕэ. Сахалартан Россиятааҕы категорияны барыта аҕыс судьуйа ылла», — СИА-ҕа арбитр Егор Ермолаев эттэ.

Эрдэ маннык категорияны Петр Баттахов, Афанасий Саввинов, Иван Сивцев уонна Дмитрий Шарин туппуттара.

Следите за самым важным и интересным в Telegram-канале и WhatsApp-группе ЯСИА