29 Кулун тутар 29.03
  • -14°
  • $ 92,26
  • 99,71

Саха сирин историятын кэпсиир национальнай киин ютуб-ханаалын көрөргүтүгэр ыҥырар

16:31, 19 января 2023
Текст:
Читайте нас на
Яндекс Новости
ЯДВ

И.С. Жараев аатынан аудиовизуальнай национальнай киин фондатыгар араас элбэх Сахабыт сирин үлэһит норуотун көрдөрөр хроникальнай да, документальнай да киинэ-докумуоннар бааллар. Бу туһунан методист Марина Винокурова СИА-ҕа суруйда.

«Нэдиэлэ ахсын бэйэбит фондабыт баай архыыбыттан дьон болҕототун тардар урукку видеоустуулары ютуб ханаалбытыгар таһаарабыт. Ол туһунан анал сигэннэн киирэн көрүөххүтүн сөп. Бу сырыыга ыраах Тикси улууһун телестудиятан 1993 сыллааҕы үлэтин көрөргүтүгэр сүбэлиибит», — диэн суруллар иһитиннэриигэ.

Поселок Тикси Булунского района, кадры 1993 года.

Дьон саҥаттан-саҥа, сонун киинэ докумуоннары көрүөхтэрин баҕаралларын этэллэр. Онон тэрилтэ күн-аайы интэриэһинэй түгэннэри бэлиэтиир.

«Киноархыып фондата хаҥыырыгар биирдиилээн дьон, биллэр тележурналистар бэйэлэрин үлэлэрин архыыпка туттаран үйэтитэллэр. Бу күннэргэ биллэр телерадиожурналист Иннокентий Михайлович Слепцов бэйэтин баай ис хоһоонноох пуондатыттан 1990-2000 сыллардааҕы устууларын аудиовизуальнай кииҥҥэ туттарда», — диэн кэпсээтэ Марина Винокурова.

Норуот кутун туппут ырыаһыт Никифор Семенов 1995 сыллаахха уһуллубут кэнсиэрэ ютуб-ханаалларыгар эмиэ киллэрилиннэ.

Следите за самым важным и интересным в Telegram-канале и WhatsApp-группе ЯСИА