Ахсынньы бастакы декадатыттан Саха сиригэр муус суоллары түһүмэҕинэн арыйыыны саҕалыахтара. Барыллаан кыраапыгы массыына суолларын управлениета уонна «Арктика суоллара» тэрилтэ бигэргэттилэр.
Киин оройуоттарга бастакынан ахсынньы бастакы декадатыгар:
- Өлүөнэ эбэни туоруур Хатасс — Павловскай — 3 туоннаҕа диэри;
- «Бүлүү» трассанан Бүлүү эбэни туоруурга – 10 туоннаҕа диэри;
- Алдан өрүһү туоруурга «Халыма» суолга – 10 туоннаҕа диэри;
- Таас-Үрэх — Усть-Кут Ленскэй уонна Мииринэй улуустарыгар кыһыҥҥы суол.
Муус суолларга техника уйугун улаатыннарыы мууһу халыҥатыыны кытта түһүмэҕинэн барыаҕа.
Кыһыҥҥы суоллар кыраапыктарын бу сигэнэн көр.
