Саха сиригэр, бүгүҥҥү туругунан, 368 975 туонна от бэлэмнэннэ, былаан 83% туолла. Кэбээйигэ, Дьааҥыга, Бүлүүгэ, Өлүөхүмэҕэ балаһыанньа уустук.
Оттооһун туһунан регион вице-премьера Михаил Никифоров брифинг оҥордо, суруйар СИА.
25 208 туонна сиилэс, былаан 88% туолла, 8596 туонна сенаж (66%). Ааспыт нэдиэлэни кытта тэҥнээтэххэ бары хайысхаҕа тыһыынчанан туонна эбилиннэ.
«Ыраах учаастактарга 228 мобильнай биригээдэ үлэлиир, кинилэр 30 858 туоннаны бэлэмнээтилэр, бу былааннарыттан 58%. Кинилэргэ көрүллүбүт үбүлээһин тириэрдиллибитэ», — диэтэ Михаил Никифоров.
