26 От ыйа 26.07
  • 16°
  • $ 85,41
  • 93,17

Путин оҕолорго төлөбүрү 2021 сыл кулун тутар 1 күнүгэр диэри уһатар туһунан сокуоҥҥа илии баттаата

Читайте нас на
Яндекс Новости
ЯДВ

Россия Президиэнэ Владимир Путин үс сааһыгар диэри бастакы уонна иккис оҕоҕо көрүллэр ыйдааҕы төлөбүр болдьоҕун 2021 сыл кулун тутар 1 күнүгэр диэри уһатар туһунан сокуоҥҥа илии баттаата. Быраап иһитиннэриитин порталыгар докумуон оптуорунньукка бэчээттэннэ, суруйар ТАСС.


Оҕоҕо төлөбүр көрүллэр балаһыанньа 2020 сыл муус устар 1 күнүттэн алтынньы 1 күнүгэр диэри үлэлээтэ. Бу кэмҥэ төлөбүрү ылыы тута уһатыллан испитэ.  Алтынньы 2 күнүттэн саҥа нуорма үлэтин саҕалаата, манна олоҕуран төлөбүрү ылыыга сайабылыанньа суруллар.

Көҕүлээһин коронавирус инфекциятын тарҕаппат сыалтан ылылынна. Федерация Сэбиэтин вице-спикерэ Галина Карелова эппитинэн, судургу төлөбүр алтыһыыны аҕыйатар уонна оҕолоох дьиэ кэргэттэр сыстыганнаах дьаҥҥа сутуллууларын аҕыйатар.

Следите за самым важным и интересным в Telegram-канале и WhatsApp-группе ЯСИА