27 Ыам ыйа 27.05
  • 23°
  • $ 89,7
  • 97,1

Олоҥхо, киинэ, балет: Казахстааҥҥа Саха сирин күннэригэр култуура бырагыраамата бэлэмнэннэ

Хаартыска: ЯСИА саайта
Читайте нас на
Яндекс Новости
ЯДВ

Казахстааҥҥа Саха сирин күннэрэ муус устар 18 — 23 күннэригэр буолар. Култуура эйгэтин бырагырааматыгар киинэ, балет, олоҥхо, литература, музыка киллэрилиннилэр.

«Виртуозы Якутии» скрипачтар ансаамбыллара, Олоҥхо тыйаатырын уонна Опера уонна балет тыйаатырын артыыстарын көрдөрүүтэ буолуоҕа, «Сокровища Якутии» быыстапка тэриллиэҕэ.

Казахстаан олохтоохторо саха киинэтин уонна Саха сирин норуодунай бэйиэтэ Наталья Харлампьева «Якутская стрела» кинигэтин кытта билсиэхтэрэ.

Биллэн турар, норуот эпоһыгар уонна фольклорга анаммыт тэрээһиннэр баар буолуохтара. Манна «Чарующие звуки предков» быыстапка туруоҕа уонна Саха, Казахстаан, Кыргызстаан норуоттарын эпостарын толорооччулар кыттыахтара.

Саха сирэ Казахстааҥҥа атыыга-экономикаҕа, инвестицияҕа, туризмҥа кыаҕын көрдөрүөҕэ.

Следите за самым важным и интересным в Telegram-канале и WhatsApp-группе ЯСИА