Нам улууһун Хамаҕатта нэһилиэгин Д.Д. Новгородов аатынан «Кэскил» балаҕаныгар өрөмүөн үлэтэ барда.
Саамай сүрүнэ — баҕана эмэҕирбитин Николай Захаров, Николай Протопопов, Валерий Максимов, Прокопий Сивцев сүүрэн-көтөн уларыттылар.Ол кэнниттэн нэһилиэк общественнай түмсүүлэрэ кыттыылаах хас да күннээх субуотунньук тэрилиннэ. Сууйуу-сотуу, хомуйуу, испиэскэлээһин, лаахтааһын үлэтигэр «Күбэй», «Барахсаана» аҕам саастаахтар түмсүүлэрэ, «Тупсууна» дьахтар уонна ветеран сэбиэттэрэ күннэринэн аттаран көмөлөстүлэр.
«Балаҕаммыт уһун хонуктаах, баҕана уларытыылаах бэрт уустук өрөмүөнүгэр ис дууһаларыттан кыһаллан көмөлөспүт бар дьоммутугар барҕа махтал!» — диир балаҕан хаһаайката Ольга Новгородова.
Мария Винокурова, Эҥсиэли
