20 От ыйа 20.07
  • 19°
  • $ 88,02
  • 96,04

Медицина үлэһиттэрэ судаарыстыба өйөбүлүн ылыы туһунан Ил Дархаҥҥа кэпсээтилэр

Читайте нас на
Яндекс Новости
ЯДВ

Саха сирин баһылыга Айсен Николаев коронавируһу кытта охсуһар медицина үлэһиттэригэр федеральнайдааҕы уонна регионнааҕы көҕүлүүр төлөбүрдэр тустарынан тус бэйэлэрин кытта кэпсэттэ. Өрөспүүбүлүкэ сүрүн пресс-сулууспата СИА-ҕа иһитиннэрэр.


Айсен Николаев төлөпүөнүнэн Алдан, Ленскэй, Нерюнгри инфекционист уонна рентгенолог быраастарын уонна Дьокуускай куорат суһал көмөтүн станциятын  үлэһиттэрин кытта кэпсэттэ. Ил Дархан Саха сирин олохтоохторун доруобуйаларын харыстааһыҥҥа уонна эмтээһиҥҥэ күүстээх үлэлэрин иһин кинилэргэ махтанна.

Быраастар сыстыганнаах дьаҥы кытта охсуһууга медицина үлэһиттэригэр судаарыстыба өттүттэн үрдүк сыана бэриллибитигэр  эмиэ махтаналларын биллэрдилэр.

«Кулун тутар уонна муус устар ыйдарга федеральнайдааҕы уонна регионнаҕы көҕүлүүр төлөбүрдэри толору ыллыбыт. Хамнас туох баар эбии үлэни учуоттаан бэрилиннэ. Ыам ыйыгар абаансаны эмиэ туттубут. Билигин биһиги муҥутуур эрэһиимҥэ үлэлиибит. Биһигини аһылыгынан, тус харыстанар сириэстибэлэринэн хааччыйдылар», — диэн кэпсээтэ өрөспүүбүлүкэтээҕи клиническай балыыһа инфекционист-бырааһа Наталья Портнягина.

Алданнааҕы киин балыыһа рентгенолог-бырааһа Андрей Парников көрүллэр эбии төлөбүрдэри туппуттарын иһитиннэрдэ. «Регионнааҕы уонна федеральнайдааҕы төлөбүрдэри кэмигэр туттубут. Эпидбалаһыанньа Алдаҥҥа тупсар. Билигин балыыһаҕа 15 киһи эмтэниини ааһар. Коронавирус тарҕаныаҕыттан биһиги балыыһабытыгар уопсайа 40 киһи үтүөрдэ», — диэтэ кини.

Сиһилии https://ysia.ru/meditsinskie-rabotniki-rasskazala-glave-yakutii-o-poluchennyh-vyplatah/

Следите за самым важным и интересным в Telegram-канале и WhatsApp-группе ЯСИА