15 От ыйа 15.07
  • 24°
  • $ 87,74
  • 95,76

Өлүөнэ өрүһү туоруур муостаны тутууну Кытай үһүс тэрилтэтэ сэргээтэ

11:01, 11 апреля 2016
Текст:
Читайте нас на
Яндекс Новости
ЯДВ

Кытай Sirius Holding Group компанията Өлүөнэ өрүһү туоруур муостаны тутууну интэриэһиргээтэ уонна бу сайын үлэни ымпыктаан-чымпыктаан билсэр соруктаах Дьокуускайга кэлиэҕэ. Ол туһунан РФ президенин салалтатынан үлэлиир өрөспүүбүлүкэ бастайааннай бэрэстэбиитэлистибэтигэр буолбут көрсүһүүгэ Саха сирин баһылыгын сүбэһитэ Валерий Максимов эттэ.


СИА эрдэ суруйбутунан, муостаны тутууга Кытай бөдөҥ госкорпорациялара болҕомтолорун уурдулар. Ол курдук, Sinohydro Corporation Limited уонна «Китайская железнодорожная корпорация 18-ое бюро». Тэрилтэлэр бэрэстэбиитэллэрэ кэлэн тутууну билсэн барбыттара.

Валерий Максимов этэринэн, тутуу бырайыагын өссө биир компания — Sirius Holding Group сэргээтэ.

Бастайааннай бэрэстэбиитэлистибэҕэ бырайыагы олоххо киллэрии техническэй өттүн ырыттылар. Мунньахха кыттыбыт дьон бу тутууга үп-харчы саҥа моделын оҥорууга, онно Project Management Institute (PMI) бырайыактыыр компанияны тардар наадалааҕын чиҥэтэн эттилэр.

Быйыл муус устар 1 күнүгэр РФ бырабыыталыстыбатын бэрэссэдээтэлэ Дмитрий Медведев Саха сирин баһылыга Егор Борисовы кытта көрсүһүүтүгэр бу тутуу туһунан  дьүүллэспиттэрэ.

Дмитрий Медведев РФ бырабыыталыстыбатын бэрэссэдээтэлин солбуйааччы Аркадий Дворкович уонна тырааныспар миниистирэ Максим Соколов ааттарыгар тутуу концессационнай схематыгар бүтэһиктээх быһаарыыны ылалларыгар сорудахтаабыта. Итиниэхэ 2021 сылга диэри инвестицияны төнүннэрии бэрээдэгэ киирэ сылдьар.

Следите за самым важным и интересным в Telegram-канале и WhatsApp-группе ЯСИА