24 Тохсунньу 24.01
  • -48°
  • $ 73,82
  • 83,32

Өлүөнэ өрүһү туоруур муостаны тутуу бэс ыйыгар быһаарыллыан сөп

15:36, 29 апреля 2016
Текст:

Бу сайын бэс ыйыгар РФ президенэ Владимир Путин Кытайга тиийиэҕэ. Онно буолар кэпсэтиилэргэ Өлүөнэ өрүһү туоруур муоста тутуллуута баҕар, быһаарыллыа.


«Си Цзиньпин уонна Владимир Путин көрсүһүүлэригэр улахан болҕомто ууруллар», — диэн Сергей Лавров эппитин ТАСС тиэрдэр.

Лавров Россия уонна Кытай сыһыаннара муҥутуурдук үрдээбитин, урут хаһан да маннык суоҕун бэлиэтиир.

Өлүөнэ өрүһү туоруур муостаны тутуу туһунан кэпсэтии саҕаламмыта ыраатта. Кэлин РФ бырабыыталыстыбата тутууга омук инвестициятын тардар туһунан быһаарыыны ылыммыта. Бу кэскиллээх бырайыакка «Синогидро» уонна «Китайская железнодорожная корпорация 18 бюро» ХЭТ улахан болҕомтолорун уурбуттара. Сайын Sirius Holding Group идэлээх дьоно Саха сиригэр кэлиэхтэрэ.

Саха сирин салалтата Өлүөнэ өрүһү туоруур муостаны тутуу Россия-Кытай бырабыыталыстыбаларын икки ардыларынааҕы хамыыһыйа таһымыгар ырытыллыаҕа. Онон, Владимир Путин Кытайга сылдьар бырагырааматыгар муоста бырайыагын дьүүллэһиэхтэрэ диэн сабаҕалыахха сөп.

0
0
24 января 24.01
  • -48°
  • $ 73,82
  • 83,32