15 От ыйа 15.07
  • 27°
  • $ 87,74
  • 95,76

Ил Түмэн дьокутааттара иитиэх ыалларга элбэх оҕолоох ыал статуһун иҥэрэри эттилэр

13:01, 12 февраля 2021
Текст:
Читайте нас на
Яндекс Новости
ЯДВ

Ил Түмэн бэрэссэдээтэлин солбуйааччы Антонина Григорьева Саха сиригэр иитиэх дьиэ кэргэҥҥэ элбэх оҕолоох ыал статуһун иҥэрэр туһунан сокуон ылыллара наадатын эттэ. 


Дьокутаат Алтай өрөспүүбүлүкэтигэр, Хакассияҕа, Удмуртияҕа, Забайкальскай кыраайга иитиэх ыаллар элбэх оҕолоох ыаллар кэккэлэригэр киирэллэрин, кинилэр туһанар бары чэпчэтиилэринэн тэҥҥэ туһаналларын эттэ.

Григорьева этиитин Ил Түмэн дьиэ кэргэн уонна оҕо дьыалаларыгар сис кэмитиэтин бэрэссэдээтэлэ Алена Атласова өйөөтө. Мунньахха кыттыыны ылбыт иитиэх төрөппүт Ольга Тимофеева сокуон наадатын, сотору кэминэн кинилэр элбэх оҕолоох ыаллар ахсааннарыгар киириэхтэригэр баҕарарын биллэрдэ.

2020 сылга Саха сиригэр 4338 оҕо ийэ-аҕа көрүүтэ суох хаалбыт. 2020 сыл түмүгүнэн 228 иитиэх ыалга 640 оҕо көрүүгэ сылдьар. Иитиэх ыаллар ордук Үөһээ Бүлүү, Сунтаар, Бүлүү, Ленскэй, Нерюнгри, Хаҥалас, Горнай улуустарыгар итиэннэ Дьокуускай куоракка бааллар.

Следите за самым важным и интересным в Telegram-канале и WhatsApp-группе ЯСИА