25 От ыйа 25.07
  • 24°
  • $ 86,55
  • 94,38

Ил Дархан Ил Түмэҥҥэ сыллааҕы Этиитэ ахсынньы 19 күнүгэр буолар

09:45, 16 декабря 2022
Текст:
Читайте нас на
Яндекс Новости
ЯДВ

Өрөспүүбүлүкэ баһылыга Айсен Николаев Ил Түмэҥҥэ сыллааҕы Этиитэ ахсынньы 19 күнүгэр күнүс 12.00 чааска буолара күүтүллэр.

Этиигэ регион кэлэр сылларга сайдыытын тосхоло, парламент, бырабыыталыстыба, олохтоох салайыныылар үлэлэригэр сүрүн хайысхалар оҥоһуллуохтара.

Тэрээһин кэмигэр РФ сенатордара, Саха сириттэн Госдуумаҕа депутаттар, өрөспүүбүлкэ депутаттара, бырабыыталыстыба чилиэттэрэ, регион баһылыгын уонна бырабыыталыстыбатын дьаһалтатын салалтата, суут былааһын уонна борокуратуура, өрөспүүбүлүкэҕэ федеральнай таһымнаах толорор уоргаттар, боломуочуйалаах институттар бэрэстэбиитэллэрэ, уокуруктар баһылыктара, конфессиялар салайааччылара уонна уопсастыбаннай деятеллэр, тэрилтэ салайааччылара кыттыыны ылыахтара.

Өрөспүүбүлүкэ саалатыттан быһа холбонуу НКИК «Саха», «Якутия 24», «Россия 24», «Тэтим» уонна «Радио России» араадьыйаларга барыаҕа, СИА быһа трансляция көрдөрүөҕэ.

Следите за самым важным и интересным в Telegram-канале и WhatsApp-группе ЯСИА