26 От ыйа 26.07
  • 23°
  • $ 85,41
  • 93,17

Хаҥалас улууһун Герой ийэлэригэр сүүстүү тыһыынча солкуобайы туттардылар

Читайте нас на
Яндекс Новости
ЯДВ

Саха сиригэр 2022 сылы Ил Дархан Айсен Николаев ийэтин сылынан биллэрбитэ. Манна олоҕуран 20- тэн тахса улуус бэйэлэрин сылларын дьиэ кэргэн сыаннастарыгар анаабыттара.

Хаҥалас оройуонун Герой ийэлэрэ 100-түү тыһыынча солк кээмэйдээх биир кэмнээх төлөбүрдэри ыллылар, диэн СИА кэпсиир.

Оройуон баһылыга Олег Иринеева дьаһалынан 1- кы Мальдьаҕар, 2- с Мальдьаҕар, Тиит- Арыы нэһилиэктэригэр уонна Мохсоҕоллооххо олорор биэс ийэ бэлэх төлөбүрдэри туттулар.

Ону сэргэ оройуон дьаһалтатын этиитинэн, ийэ сылыгар «Хаҥалас улууһугар Ийэ килбиэнэ» диэн кинигэ бэчээттэннэ. Кинигэҕэ Хаҥалас улууһун “Герой Ийэ”, “Ийэ Албан аата” уордьаннардаах уонна Ийэ буолуу мэтээллэрдээх элбэх оҕолоох ийэлэрин тустарынан суруллар. Барыта 600- тэн тахса ийэ аата киирдэ.

Ону таһынан 5-с уонна онтон кэнники оҕолору төрөппүт эбэтэр иитэ ылбыт ийэлэри өйүүр сыаллаах саҥа төрөөбүт оҕолорго табаары ыларга сертификат бэрилиннэ. «Ийэбитигэр көмөлөһөбүт» акция чэрчитинэн, волонтердар соҕотох олорор кырдьаҕас ийэлэргэ тэлгэһэни ыраастаабыттар, оҕуруот аһын, хортуоппуй олордубуттар, дьиэ иһигэр хомуйбуттар. Сыл бүтүөр диэри оройуоҥҥа ийэ, дьиэ кэргэн уонна оҕо аймах тиэмэлэригэр анаммыт өссө кэккэ тэрээһиннэр ыытыллаллара былааннанар.

Следите за самым важным и интересным в Telegram-канале и WhatsApp-группе ЯСИА